![]() | ||||
---|---|---|---|---|
![]() | ||||
Desendolcador | Squaresoft | |||
Distribuidora | Squaresoft | |||
Compositor | Nobuo Uematsu | |||
Plataforma | PlayStation Vita, PlayStation 3, PlayStation 2 y PlayStation 4 | |||
Publicación | 19 xunetu 2001 | |||
Serie |
Final Fantasy (en) ![]() ![]() | |||
Xéneru | videoxuegu de rol | |||
Mou | un xugador | |||
Preséu d'entrada | DualShock | |||
Clasificaciones | ||||
CERO |
Adolescentes (es) ![]() | |||
ESRB |
Adolescentes (es) ![]() | |||
PEGI |
PEGI 12 (es) ![]() | |||
USK | USK 12 | |||
Más información | ||||
Páxina web oficial | na.square-enix.com… | |||
| ||||
![]() |
Final Fantasy X (ファイナルファンタジーX Fainaru Fantajī ten?) ye un RPG desenvueltu y publicáu pola compañía Squaresoft (agora conocida como Square Enix tres la fusión en 2003 con Enix) pal sistema PlayStation 2, llegando a Europa en 2002; ye la décima entrega de la serie Final Fantasy, y foi la primera en desenvolvese pa esta videoconsola.
Presentáu nel añu 2001, ta ente los 20 videoxuegos de consola más vendíos de la historia; vendió más de 10 millones de copies en tol mundu, convirtiéndose nel segundu xuegu más vendíu de la saga. Tamién foi votáu polos llectores de la revista xaponesa de videoxuegos Famitsu como'l meyor videoxuegu de tolos tiempos.[1]
Dientro de la serie Final Fantasy, esti xuegu marca una importante transición ente escenarios totalmente prerrenderizados a redolaes Gráficos 3D por ordenador tridimensionales completos gracies al procesador Emotion Engine de PlayStation 2. Sicasí, dellos interiores y escenarios concretos siguen utilizando los modelos prerrenderizados.[2] Final Fantasy X ye'l primeru de la serie en presentar un ampliu rangu d'espresiones faciales realistes, según otros llogros teunolóxicos, como la variación de lluces y solombres ente les distintes partes de la vistimienta d'un personaxe.[3] Tamién foi la primer entrega de la serie n'incorporar voces nos diálogos de los personaxes, doblaes por actores profesionales, y tamién ye'l primeru en tener una secuela, Final Fantasy X-2.
Mientres el Tokyo Game Show de 2011 Sony dio a conocer que se fadría una adautación en alta definición del xuegu pa PlayStation 3 y PlayStation Vita,[4] que finalmente se punxo a la venta en Xapón n'avientu de 2013, ente qu'en norteamérica y Europa salió en marzu de 2014. En mayu de 2015 la versión n'alta definición tamién se distribuyó para PlayStation 4[5] y un añu más tarde, en mayu de 2016, para PC.[6] Toles versiones inclúin una adautación tamién en alta definición de Final Fantasy X-2.
© MMXXIII Rich X Search. We shall prevail. All rights reserved. Rich X Search